بنام ياتنهيدة الصدر تكفين ..!! فكي ازارير .. التعب وارحميني ...!!!

من طرف بدر الظلام الخميس مايو 27, 2010 4:44 am

ياويل قلبي كل مااشتقت لقياه

وشلون ماتشتاق عيني لعينه

أنا أدري إني حيل أحبه وأهواه

وأنا أدري إن القلب صار بيدينه

أمـوت أنا بـه فـي غيابه وأحـياه

وشلون أجل لو صافحتني يمينه

حاولت أنا اكتم عبرتي يوم فرقاه

وألملـم جـروح الزمـان الـطعينه

واعطيه من قلب المعنّى معاناه

وآخذ من جروحه ولو هي دفينه

وأضيع به في زحمة الناس وأنساه

وأنسى معه ذكرى السنين وحنينه

لقيت نفسي كل ما حل طرياه

عروق قلبي كلها تقــول ويـنه

يامر على قلبي ولا شك ينهاه

كلي أنـا تحت الإشارة رهـينة

ما كل من يضحك سعيد بدنياه

وما كل من يبكي دموعه حزينه

أحدن بكى .. والكل يدري عن بكاه

وحــدن مع الضحكه تحـس بونـينه

ياشين فرقى الحب وياشين بلواه

والمشكلة دنيا بلا حب .. شينه

والزين ما يكمل ولو كان ماحلاه

إلا حــبـــيـــبـــي ماتغيّر بزينه

ماجيت أسـولف عن حلاه و مزاياه

يكفي أحاسيسي وقلبي عارفينه

كن الفضا في غيبته ضاق مسعاه

وكني غريـــقٍ ينتظر لـه سفينه

شف دنيتي ياصاحبي عقب فرقاه

مثل الظلام اللي حصل بالمدينة

باكتبه أنا في صفحة الشعر واقراه

وباذبـحه بزود الـغلا دون سـكينة

وبارسمَه في لوحة الشعر وانعاه

وبــادفنَه بين الضــلوع الحنــينه

بوسط الحشا في داخل الصدر مثواه

إما يســـــــــار القلب وإلا يمـــــينه

اذا عجبتكم لاتنسوني من ردودكم

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31