..)..(.. قأأأأتوه العنأأأ..)..(..

من طرف **امير الورد** الجمعة مايو 21, 2010 5:43 am

كتبتها لحظه يأس
وكم هي كثيره تلك اللحضات

اترككم مع نتاج احداها...

هذي وصفه لك يا خل العمر
هات كاسه حزن وامزجها بسهر
واسكب المسحوق على زيت الكدر
وحرك الضيقه وهمي والقهر
وانتظر ...

ما ابي اخذ من وقتك كثير
بس بسولف لك عن شئ خطير
لين ما يخلص قاتوه العمر
انتبه لي بس
ترا عمري قصير

قالوا ان الجرح من غالي عذاب
وقالوا ان الجرح يعني التهاب
واغماء وبداية اكتئاب

ما ابي ادخل بمستوصف حياتي
واشغلك باللي بقى من ذكرياتي

خلنا نبقى بصالة الانتظار
واترك القاتوه يغلي فوق نار

اسمع اللي تبي تنطق به ضلوعي
يمكن القى العذر لو خفتت شموعي
او تكون اللي يجفف لي دموعي
المهم..اسمع وانسى امر جوعي

امس كنت اجلس على شاطئ حزن
كنت متعود اجي له
وكان متعود علي
بس من وصلت ولامست رجل ترابه
التفت لي وقال : ما طول غيابه
قلت :ايه..وانت عارف من زمن
اني اكثر من نثر فيك الحزن
واكثر انسان يجيك
واكثر انسان يجي لطاريك
واكثر انسان تحبه
واكثر انسان يعرف ان الجروح
للحزن سبه
واكثر انسان يتباهى لذكروك
واكثر انسان تهديه شوك

قال: ايه ادري
بس كأن هالارض ما عادت بإسمك
قلت كيف؟
قال جاء موج الغدر
ومسح من فوقي رسمك

قلت: موج الغدر؟؟
وهذا وش طاريه يا شاطئ حياتي
قال : انساني ولا تنسى غلاتي

واختفى من تحت رجلي فجأه
وصرت متعلق في وسط الفضاء
وقتها حسيت بساعات القضاء

قلت اكيد اني راحل
دام ما للحزن ساحل

وسكرت جفني على صوت الهواء
وانا اشعر ان موتي هو الدواء

بس فجأه حسيت ان الارض تحتي
دون ماشعر
فتحت عيني وانا اقول :هلابــ...
لكن الحرف الاخير ما نطقته

قلت:هذا ما هو انت يا شاطئ الحزن؟
ما اذكر ان في سماك غيوم ومزن

قال :ايه..انت ملكي من بعد جرحوك
وانثروا في دربك سم و شوك

قلت : قلي وين انا وانت مين
قال: لا تسأل ونادي : يامعين

انت في شاطئ اتهامات وظلم
قلت: لااا اكيد انه حلم

قال : لي متى عايش حياتك بحسن نيه
وغيرك يجرح بطاريك ويرميك اذيه

قلت يعني هو سبب جيتك عندي؟؟
قال :ايه
بس لا تنسى
هم ساقوك عندي

قلت : من؟

بعدها نام وما سمعت اي جواب
وهطلت فوقي امطار العذاب

وهذا علمي يا رفيقي
بس قلي

ما تحس ان القاتوه صار جاهز
قال : جايز
بس قلي وين رايح

قلت : قلت لك عمري قصير
ما ابي احرمك خير

ما ابي اشغل حياتك بحياتي
واسرد الماضي بمعزوفه :مماتي

واخذت ما بقى من هم عمري
ورحلت

وانا متأكد
ان ناتج المسحوق اللي على النار
بيكون:

(..انا..)

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31